Forex Trading Sessions ဖော်ရက်ထရိတ်တင်း အကောင်းဆုံးအချိန်များ

Forex Trading အရောင်းအဝယ်ဈေးကွက်မှာတနင်္လာနေ့ကနေ သောကြာနေ့အထိ ၂၄နာရီ ကာလပတ်လုံး အရောင်းအဝယ်လုပ်နိုင်

ပါတယ်။
ဒါပေမယ့် တနေ့လုံးတော့ ငွေလဲလှယ်နှုန်းတွေဟာ သိသိသာသာ တက်နေ၊ ကျနေတာ မဟုတ်ပါဘူး။

ကိုယ့်အတွက် အကျိုးအမြတ်တကယ်ဖြစ်စေတဲ့ အချိန်တွေကတော့ ငွေလဲလှယ်နှုန်း သိသာစွာ တက်နေ (သို့) ကျနေတဲ့ အချိန်တွေပါ။ 

နေ့တစ်နေ့မှာ အရောင်းအဝယ်လုပ်လို့ အကောင်းဆုံးအချိန်တွေကို
အောက်မှာ ရှင်းပြထားပါတယ်။ ငွေကြေးအရောင်းအဝယ်ဈေးကွက်

မှာ အဓိက အရောင်းအဝယ် လုပ်ကြတဲ့ အချိန်ပိုင်းကြီး လေးပိုင်း
ရှိပါတယ်။

- သြစတြေးလျက ဆစ်ဒနီရုံးဖွင့်ချိန်၊
- ဂျပန်က တိုကျိုရုံးဖွင့်ချိန်၊
- ဗြိတိန်က လန်ဒန်ရုံးဖွင့်ချိန်၊
- အမေရိကန်က နယူးယောက်ရုံးဖွင့်ချိန်တို့ပဲ ဖြစ်ပါတယ်။

သြစတြေးလျက ဆစ်ဒနီရုံးဖွင့်ချိန်နဲ့ ဂျပန်က တိုကျိုရုံးဖွင့်ချိန်တို့ဟာ ကွာခြားမှုသိပ်မရှိတဲ့အတွက် နှစ်ခုပေါင်းကို အာရှရုံးဖွင့်ချိန်အဖြစ် သဘောထားကြပါတယ်။ အဲဒီတော့ အဓိကအရောင်းအဝယ် လုပ်ကြ
တဲ့ အချိန်ပိုင်းကြီး သုံးပိုင်းအဖြစ် သတ်မှတ်နိုင်ပါတယ်။

တချို့နိုင်ငံများဟာ ရာသီအပြောင်းအလဲကိုလိုက်ပြီးတစ်နှစ်အတွင်းမှာ နာရီအချိန်ကို ရှေ့တိုး၊ နောက်ဆုတ် ရွှေ့လေ့ရှိတဲ့အတွက် အနည်းငယ်အပြောင်းအလဲ ရှိနိုင်ပါတယ်။

တိုကျိုရုံးဖွင့်ချိန်
တိုကျို (သို့) အာရှရုံးဖွင့်ချိန်ဟာ တနေ့တာ ငွေကြေးအရောင်းအဝယ်ဈေးကွက်ရဲ့ ဦးဆုံးအချိန်ပိုင်းကြီးပါ။ ဂျပန်ဟာ ကမ္ဘာမှာ တတိယအကြီးဆုံး ငွေကြေးအရောင်းအဝယ် စင်တာကြီးဖြစ်ပြီး ဒီအချိန်ပိုင်း

မှာယန်းငွေလဲလှယ်မှုပမာဏက ငွေကြေးအားလုံးရဲ့ ၁၆.၅% ခန့် ရှိပါတယ်။ တနေ့တာ ငွေကြေးအရောင်းအဝယ်ပမာဏရဲ့ ၂၁% လောက်ကို ဒီအာရှအချိန်ပိုင်းမှာ ရောင်းဝယ်လေ့ရှိပါတယ်။

ဒီအချိန်ပိုင်းမှာ ဂျပန်၊ သြစတြေးလျနဲ့ နယူးဇီးလန်နိုင်ငံများရဲ့ စီးပွားရေးအခြေအနေများနဲ့ဆိုင်တဲ့ သတင်းတွေထွက်ပေါ်လေ့ရှိတဲ့အတွက် အဲဒီငွေကြေးပါတဲ့အတွဲတွေကို အရောင်းအဝယ်လုပ်ဖို့ အ
ကောင်းဆုံးအချိန်ပိုင်း ဖြစ်ပါတယ်။

နောက်တစ်ခုကတော့ တရုတ်ကလဲ ကမ္ဘာ့စီးပွားရေး အင်အားကြီးနိုင်ငံကြီးဖြစ်တာကြောင့် တရုတ်ကထုတ်လွင့်လိုက်တဲ့သတင်းတွေဟာလဲ ငွေကြေးအတက်အကျကို များစွားပြောင်းလဲစေနိုင်ပါတယ်။
ဂျပန်နဲ့ သြစတြေးလျဟာ တရုတ်ရဲ့စီးပွားရေးတိုးတက်မှုအပေါ်မှာ များစွားမူတည်နေတာကြောင့်တရုတ်သတင်းတွေပေါ်မူတည်ပြီး ဂျပန်၊ သြစတြေးလျ ငွေကြေးအတွဲကို အရောင်းအဝယ်လုပ်လို့ အကောင်းဆုံးအချိန် ဖြစ်ပါတယ်။

လန်ဒန်ရုံးဖွင့်ချိန်
အာရှက ငွေကြေးရောင်းဝယ်နေကြတဲ့ ရုံးတွေကိုပိတ်ဖို့ တစ်နာရီလောက်အလိုမှာ ဥရောပက ငွေကြေးအရောင်းအဝယ်လုပ်မယ့် ရုံးတွေဟာ စတင်ဖွင့်လှစ်လာပါတယ်။ ဥရောပမှာ ရုံးတွေ အများကြီး ရှိပေမယ့် ငွေကြေးအရောင်းအဝယ် သမိုင်းတလျောက်မှာ မဟာဗျူဟာကျတဲ့နေရာမှာ တည်ရှိနေတာက လန်ဒန်ဈေးကွက်ပဲ ဖြစ်ပါတယ်။ တနေ့တာငွေကြေး အရောင်းအဝယ်ပမာဏရဲ့ ၃၀% လောက်ဟာ ဒီလန်ဒန်အချိန်ပိုင်းမှာ ရောင်းဝယ်လေ့ရှိပါတယ်။

ဒီအချိန်ပိုင်းမှာ ဗြိတိန်၊ ဥရောပ နဲ့ ဆွစ်ဇာလန်နိုင်ငံများရဲ့ ငွေကြေးအတက်အကျနဲ့ဆိုင်တဲ့ သတင်းတွေထွက်ပေါ်လေ့ရှိတဲ့အတွက် အဲဒီငွေကြေးပါတဲ့ အတွဲတွေကို အရောင်းအဝယ်လုပ်ဖို့ အကောင်းဆုံး အချိန်ပိုင်း ဖြစ်ပါတယ်။

နယူးယောက် ရုံးဖွင့်ချိန်
ဥရောပက ငွေကြေးရောင်းဝယ်နေကြတဲ့သူတွေ ထမင်းစားပြန်လာချိန်လောက်မှာအမေရိကကငွေကြေးရောင်းဝယ်မယ့်ရုံးတွေဟာ စတင်ဖွင့်လှစ်လာပါတယ်။ အမေရိကန်ဟာ လက်ရှိအနေအထားအရ ကမ္ဘာ့စီးပွားရေးအင်အားကြီး နိုင်ငံကြီးဖြစ်တာကြောင့် ဒီအချိန်ပိုင်းမှာ အမေရိကန်ဒေါ်လာ လဲလှယ်မှုပမာဏဟာ ငွေကြေးအားလုံးရဲ့ ၈၅% ခန့်ရှိ
ပါတယ်။ တနေ့တာ ငွေကြေးအရောင်းအဝယ် ပမာဏရဲ့ ၅၀% လောက်ဟာ ဒီအချိန်ပိုင်းမှာ ရောင်းဝယ်လေ့ရှိပါတယ်။

ဒီအချိန်ပိုင်းမှာ အမေရိကန်နဲ့ ကနေဒါနိုင်ငံများရဲ့ငွေကြေးအတက် အကျနဲ့ဆိုင်တဲ့ သတင်းတွေ ထွက်ပေါ်လေ့ရှိတဲ့အတွက် အဲဒီငွေကြေးပါတဲ့အတွဲတွေကို အရောင်းအဝယ်လုပ်ဖို့ အကောင်းဆုံး အချိန်ပိုင်းပဲ ဖြစ်ပါတယ်။ 

ဥရောပနဲ့ အမေရိကရုံးတွေ ရုံးဖွင့်ချိန်ထပ်နေတဲ့ အချိန်လေးနာရီလောက်မှာ ငွေကြေးအတက်အကျကြမ်းတတ်ပြီး အရောင်းအဝယ်လုပ်ဖို့ အခွင့်ကောင်းတွေ ပေါ်ထွက်လာလေ့ရှိပါတယ်။


ရုံးဖွင့်ချိန် ထပ်နေသော အချိန်ပိုင်းများ

တိုကျို – လန်ဒန် ရုံးဖွင့်ချိန်ထပ်ခြင်း
အများအားဖြင့် အာရှအချိန်ပိုင်းမှာ ငွေကြေးအတက်အကျ သိပ်မကြမ်းတတ်သလို ဥရောပအနေနဲ့လဲ ရုံးစဖွင့်ချိန်ဖြစ်တာကြောင့် တိုကျို – လန်ဒန်ရုံးဖွင့်ချိန်ထပ်နေတဲ့ တစ်နာရီအတွင်းမှာ ငွေကြေး အတက်အ
ကျမကြမ်းတတ်ဘဲ အရောင်းအဝယ် အခွင့်အလမ်းကောင်းများ ပေါ်ပေါက်လေ့ မရှိပါဘူး။

လန်ဒန် – နယူးယောက် ရုံးဖွင့်ချိန်ထပ်ခြင်း
လန်ဒန်နဲ့ နယူးယောက် ရောင်းဝယ်ချိန်ထပ်နေတဲ့လေးနာရီကာလကတော့ ကမ္ဘာ့အကြီးဆုံး ငွေကြေးအရောင်းအဝယ်စင်တာကြီးနှစ်ခု အပြိုင်ရောင်းဝယ်နေကြချိန်ဖြစ်တဲ့အတွက် တနေ့တာလုံးမှာ ငွေကြေး
အတက်အကျ အကြမ်းဆုံး၊ ငွေကြေးကုန်သည်များအတွက် အလုပ်အရှုပ်ဆုံးဖြစ်သလို ကိုယ့်အတွက်လဲအရောင်းအဝယ်အခွင့်အလမ်းကောင်းတွေ အများဆုံးရရှိနိုင်တဲ့ အချိန်ပိုင်း ဖြစ်ပါတယ်။ ဒီအချိန်ပိုင်းအတွင်းမှာ အမေရိကနဲ့ ကနေဒါနိုင်ငံတွေရဲ့ စီးပွားရေးနဲ့ဆိုင်တဲ့ သတင်းတွေ ကြေငြာချိန်လဲဖြစ်ပါတယ်။

အရှေ့က လန်ဒန်အချိန်ပိုင်းမှာ အတက်(သို့)အကျ လမ်းကြောင်းတွေ ဖြစ်ပေါ်ထားခဲ့တယ်ဆိုရင် ဒီအချိန်ပိုင်းအတွင်းမှာ အခြားစီးပွားရေး (အရေးကြီး) သတင်းတွေ မကြေငြာခင်အချိန်ထိ အရှေ့ကမူလ
လမ်းကြောင်းအတိုင်း ဆက်သွားလေ့ရှိပါတယ်။
အရေးကြီးတဲ့ စီးပွားရေးနဲ့ဆိုင်တဲ့ သတင်းတွေ ကြေငြာပြီးချိန်တွေမှာတော့ ငွေကြေးလဲလှယ်မှုနှုန်းတွေသိသာစွာ ပြောင်းလဲနိုင်ပြီး အရှေ့ကဖြစ်ပေါ်နေတဲ့အတက်အကျလမ်းကြောင်းတွေလဲ ပြောင်းလဲနိုင်ပါ
တယ်။

တပတ်အတွင်း ငွေကြေးအရောင်းအဝယ်လုပ်ရန် အကောင်းဆုံးနေ့များ
တပတ်အတွင်းမှာ အလယ်ရက်တွေဖြစ်တဲ့ အင်္ဂါ၊ ဗုဒ္ဓဟူးနဲ၊ကြာသပတေးနေ့တွေဟာ ငွေကြေးအရောင်းအဝယ်လုပ်ဖို့ အကောင်းဆုံးနေ့တွေဖြစ်ပါတယ်။ တနင်္လာနေ့ရဲ့ ပထမနေ့ဝက်မှာ အတက်အ
ကျလမ်းကြောင်းမှားတွေ ဖြစ်ပေါ်နိုင်သလို သောကြာနေ့ရဲ့ ဒုတိယနေ့ဝက်ဟာလဲ ပိတ်ရက်တွေနဲ့နီးလာတာကြောင့် အတက်အကျသိပ်မရှိတတ်ပါဘူး။

သင့်ရဲ့အချိန်တွေကို အမျှော်အမြင်ရှိရှိနဲ့ စီမံပါ
အွန်လိုင်းငွေကြေးအရောင်းအဝယ်ဈေးကွက်ဟာတနင်္လာနေ့ကနေ သောကြာနေ့အထိ ၂၄ နာရီကာလပတ်လုံး အရောင်းအဝယ် လုပ်နိုင်တာဖြစ်ပေမယ့် အမြဲသိသာစွာတက်နေကျနေတာ မဟုတ်ပါဘူး။ ကိုယ့်ရဲ့ ကျန်းမာရေးအတွက် အနားယူချိန်နဲ့မိသားစုအတွက်အချိန်ပေးဖို့ဆိုတာလဲ အရေးပါတယ်ဆိုတာ မမေ့ပါနဲ့။ အဲဒါကြောင့် ဘယ်အချိန်တွေမှာ ငွေကြေးအရောင်းအဝယ်လုပ်သင့်ပြီး ဘယ်အချိန်တွေမှာ မလုပ်သင့်ဘူးဆိုတာကို ကုန်သည်တိုင်း သိထားသင့်ပါတယ်။


အရောင်းအဝယ်လုပ်ရန် အကောင်းဆုံးအချိန်များ
- လန်ဒန် - နယူးယောက် အရောင်းအဝယ်ထပ်ချိန်ကာလအတွင်း။
- လန်ဒန်ရုံးဖွင့်ချိန်အတွင်း။
- နေ့အားဖြင့် အင်္ဂါ၊ ဗုဒ္ဓဟူးနဲ့ ကြာသပတေးနေ့များ။

အရောင်းအဝယ်လုပ်ရန် မကောင်းဆုံးအချိန်များ
- အဓိကနိုင်ငံတစ်ခုဧ။ ရုံးပိတ်ရက်နေ့များ။
- သောကြာနေ့ လန်ဒန်ရုံးပိတ်ချိန် နောက်ပိုင်း။
- အရမ်းအရေးပါသော စီးပွားရေးသတင်း ထွက်ပေါ်ချိန်များ။
(ထိုအချိန်များတွင် မိနစ်ပိုင်းအတွင်း ငွေကြေးလဲလှယ်မှုနှုန်း အတက်အကျ ကြီးမားလျှင်မြန်စွာဖြစ်ပေါ်လေ့ရှိခြင်းကြောင့် ကျွမ်းကျင်မှု မရှိပါက အရောင်းအဝယ် မလုပ်သင့်ပါ။)

Post အားလုံးဖတ်ရန်

ဒီ Blog မှာ တင်သမျှ Post အားလုံး စုစည်းမှု