နိုင်ငံတစ်နိုင်ငံရဲ့ ငွေကြေးကို ရေတိုမှာ၊ ရေရှည်မှာ မာစေမယ့် ဒါမှမဟုတ် ပျော့စေမယ့် အကြောင်းအရင်း အများအပြားရှိပါတယ်။ အောက်ပါအကြောင်းအရင်းတွေကတော့ နိုင်ငံတစ်ခုရဲ့ ငွေကြေးကို ရိုက်ခတ်စေမယ့် အဓိက အကြောင်းအရင်းတွေပဲ ဖြစ်ပါတယ်။
အတိုးနှုန်း။ ။ ပုံမှန်အားဖြင့် နိုင်ငံတစ်နိုင်ငံရဲ့ အတိုးနှုန်းတက်လာရင် ငွေကြေးအတွက် ဝယ်လိုအားနဲ့ ငွေးကြေးတန်ဖိုးတွေ တက်လာပါလိမ့်မယ်။ ဘာ့ကြောင့်လဲဆိုတော့ ဒီငွေကြေးကို ပိုင်ဆိုင်သူတွေဟာ ဒီငွေကြေးအတွက် အကျိုးအမြတ် ပိုပေးရတာကြောင့်ပါပဲ။
အစိုးရ ဘက်ဂျက်လိုငွေ။ ။ အစိုး ဘက်ဂျက်လိုငွေ များနေပြီဆိုရင် အဲဒီနိုင်ငံရဲ့ ငွေကြေးတန်ဖိုးဟာ ပျော့လာမှာဖြစ်ပြီး လိုငွေနည်းနေရင်တော့ မာလာမှာဖြစ်ပါတယ်။
ကုန်သွယ်မှုမျှချေ။ ။ နိုင်ငံတွေကြားက ကုန်သွယ်မှုမှာ ကုန်ပစ္စည်းတွေ၊ ဝန်ဆောင်မှုတွေ အတွက် ဝယ်လိုအားကိုဖြစ်စေပြီး အခြားတစ်ဘက်ကကြည့်ရင် ဒီလိုကုန်သွယ်မှု လုပ်ဖို့အတွက် နိုင်ငံတစ်ခုရဲ့ ငွေကြေးအတွက် ဝယ်လိုအားကို ညွှန်ပြနေပါတယ်။ ဒါ့ကြောင့် ကုန်သွယ်မှုမျှချေမှာ ကွာဟမှု မြင့်တက်လာမယ်ဆိုရင် နိုင်ငံတစ်ခုရဲ့ ငွေကြေးကို ပျော့သွားစေမှာ ဖြစ်ပါတယ်။
ငွေကြေးဖောင်းပွခြင်း။ ။ နိုင်ငံတစ်နိုင်ငံမှာ ငွေကြေးဖောင်းပွမှုအခြေအနေ မြင့်လာပြီဆိုရင် ဒါမှမဟုတ် ငွေကြေးဖောင်းပွမှု မြင့်လာမယ်လို့ ယူဆရပြီဆိုရင် အဲဒီနိုင်ငံရဲ့ ငွေကြေးတန်ဖိုးဟာ ကျသွားပါလိမ့်မယ်။ ဘာ့ကြောင့်လည်းဆိုတော့ ငွေကြေးဖောင်းပွမှုကြောင့် ကုန်ပစ္စည်းတွေဟာ ဈေးပိုကြီးလာပြီး ငွေကြေးအတွက် ဝယ်လိုအားဟာလည်း ကျသွားတာကြောင့် ဖြစ်ပါတယ်။ ဒါပေမယ့် ငွေကြေးဖောင်းပွမှုကိုတုံ့ပြန်ဖို့ ဗဟိုဘဏ်က အတိုးနှုန်းတက်မယ်ဆိုတဲ့ မျှော်လင့်ချက်တွေရှိတာကြောင့် ငွေကြေးဖောင်းပွမှု မြင့်တက်လာပေမယ့် တစ်ခါတစ်ရံမှာ ငွေကြေးတန်ဖိုး မာနေတာမျိုးတွေလည်း ရှိတတ်ပါတယ်။
စီးပွားရေးတိုးတက်မှု။ ။ GDP၊ အလုပ်ရရှိမှု၊ အလုပ်လက်မဲ့နှုန်းနဲ့ လက်လီရောင်းချမှုနှုန်းတွေက နိုင်ငံတစ်နိုင်ငံရဲ့ စီးပွားရေးတိုးတက်မှုနဲ့ တောင့်တင်းမှုကို အသေးစိတ်ဖော်ပြနေပါတယ်။ ယေဘုယျအားဖြင့်တော့ တိုင်းပြည်ရဲ့စီးပွားရေး တောင့်တင်းပြီး တက်လာလေလေ၊ အဲဒီနိုင်ငံရဲ့ ငွေကြေးတန်ဖိုးက ပိုကောင်းလာလေလေဖြစ်ပြီး ငွေကြေးဝယ်လိုအားတွေလည်း ပိုပြီး ရှိလာမှာ ဖြစ်ပါတယ်။
နိုင်ငံရေးအခြေအနေ။ ။ ပြည်တွင်း၊ ဒေသတွင်း၊ နိုင်ငံတကာ နိုင်ငံရေးအခြေအနေတွေနဲ့ အဖြစ်အပျက်တွေကလည်း ငွေကြေးဈေးကွက်အပေါ်မှာ သိသိသာသာ သက်ရောက်မှု ရှိနိုင်ပါတယ်။ အစိုးရ ကသောင်းကနင်းဖြစ်တာ။ အခုလက်ရှိ ဒါမှမဟုတ် နောက်တက်လာမယ့် အာဏာရပါတီရဲ့ ဘဏ္ဍာရေးဆိုင်ရာ ပေါ်လစီ၊ ပြည်တွင်းနဲ့ နိုင်ငံရပ်ခြား တင်းမာမှု၊ ထိပ်တိုက်တွေ့မှု အန္တရာယ်တွေ မြင့်တက်လာတာ စတဲ့ အခြေအနေတွေဟာ နိုင်ငံတစ်နိုင်ငံရဲ့ ငွေကြေးတန်ဖိုးကို ကြီးကြီးမားမား သက်ရောက်မှုရှိနိုင်ပါတယ်။
Post အားလုံးဖတ်ရန်
No comments:
Post a Comment