Money Management အကြောင်း

Forex နယ်ပယ်ထဲမှာ စတင်ပီး လုပ်ဆောင်တော့မယ်ဆို အရေးကြီးတဲ့ အချက်အလက်များစွာထဲကမှ တခုအပါအ၀င်ဖြစ်တဲ့ Money Management အကြောင်းကိုဆွေးနွေးပေးသွားမှာ ဖြစ်ပါတယ်။

👉 Money Management ဆိုတာကတော့ အမြတ်ကိုတိုးပွားစေရန်၊ အရူံးကိုလျော့ချစေရန်နှင့်မိမိရဲ့ Trading Account ကို ကြီးထွားလာစေရန်အတွက် အများကြီး အထောက်အကူပြုပါတယ်။

- Traderတော်တော်များက‌ Forexထဲမှာ အရူံးနဲ့ရင်ဆိုင်ရတဲ့ အကြောင်းကတော့ Money Management အပိုင်းကို ကောင်းစွာ အသုံးမချနိုင်တဲ့အတွက် ကြောင့်ပဲဖြစ်ပါတယ်။

👉 Money Management က Forex လောကထဲတွင် အရောင်းအ၀ယ်လုပ်ရန်အတွက် 20% အရေးပါပါတယ်။

- Money Management ကို

- (1) Pip Value (အရူံး/အမြတ်တွက်ခြင်း)

- (2)  Lot Size (အရောင်းအ၀ယ်လုပ်မယ့် ပမာဏ အရွယ်အစားတွက်ချက်ခြင်း)

- (3) Risk to Reward Ratio (အရူံးခံမယ့်ပမာဏ/အမြတ်ယူမဲ့ ပမာဏကို အချိုးချခြင်း) ဆိုပြီး အပိုင်း (၃) ပိုင်းရှိပါတယ်။

(1) Pip Value

- ကိန်းဂဏန်းတခုမှတခုသို့ ချိန်းသွားခြင်းကို ခေါ်ပါတယ်။ 

ဥပမာအားဖြင့် XAU/USD အတွဲမှာဆိုရင် 

1935.90 မှာ၀ယ်မယ်ဆိုလျှင် 

1936.90 ထိ တက်သွားမယ်ဆိုလျှင် အဲ့တာကို 

1pip တက်သွားတယ်လို့ဆိုနိုင်ပြီး အမြတ်ကလည်း 

1pip စာရရှိမှာပဲဖြစ်ပါတယ်။

အကယ်၍ဈေးကလည်း 

1934.90 ထိကျသွားမယ်ဆိုရင်လည်း 

1pip ကျတယ်လို့ ဆိုနိုင်ပြီးအရူံးကလည်း 

1pip စာပဲ ဆုံးရူံးမှာပဲဖြစ်ပါတယ်။

- အမြတ်ငွေတွက်ချက်ရာတွင်လည်း မိမိအော်ဒါဖွင့်ထားသော ငွေကြေးအတွဲများပေါ်မူတည်ပြီး ကွဲပြားမူရှိနိုပါတယ်။

(2) Lot Size

- အရောင်းအဝယ်တစ်ခုပြုလုပ်တော့မယ်ဆိုရင် အရင်းအနှီးငွေရဲ့ ဘယ်လောက်ပမာဏနဲ့ စတင်အရောင်း အဝယ်လုပ်မလည်းဆိုတာအရေးကြီးပါတယ်။

ဥပမာ - ကိုယ့်မှာရင်းနှီးငွေ $1000 ရှိတယ်ဆိုလျှင်ကိုယ်အရာင်းအဝယ်စလုပ်မယ်ဆိုရင် ရင်းနှီးငွေအကုန်လုံးကိုတစ်ခါတည်းအကုန်မသုံးသင့်ပါဘူး။

အကောင်းဆုံးကတော့ ကိုယ့်ရင်းနှီးငွေရဲ့ 2% ပမာဏလောက်ဘဲအသုံးပြုသင့်ပါတယ်။

အရောင်းအဝယ်တစ်ခုလုပ်တိုင်း ကိုယ့်ရင်းနှီးငွေရဲ့ 2% ထပ်ပိုပြီး မသုံးသင့်ပါဘူး။ ဘာလို့လဲဆိုရင် ကိုယ့်ရဲ့ရင်းနှီးငွေ $1000 မှာကိုယ်အရောင်းအဝယ် တစ်ခုပြုလုပ်မယ်ဆိုပါစို့။ အကယ်၍အရောင်းအ၀ယ် လုပ်ရမည့်အော်ဒါဟာ၏ ဆုံးရှုံးမယ်ဆိုလျှင်လည်း $1000 ရဲ့ 2% 

ဖြစ်တဲ့ အတွက်ကြောင့်မို့လို့ $20 သာဆုံးရှုံးမှာဖြစ်ပါတယ်။

ကိုယ်ဟာအများကြီးအဆုံးအရှုံးခံစရာမလိုသလိုကိုယ် နောက်ထပ်အမြတ်ပြန်လည်ရရှိနိုင် အောင်အတွက် Lot Size နည်းနည်းနဲ့ အရောင်းအဝယ်လုပ်တာက ကိုယ့် အတွက်ပိုပြီး Safety ​ပိုဖြစ်နိုင်ပါတယ်။

မြတ်မယ်ဆိုလျှင် $20 မြတ်မှာဖြစ်ပါတယ်။✔️

👉 ကိုယ်အရောင်းအဝယ် တစ်ခုလုပ်တိုင်း ကိုယ်ဘယ်လောက်ထိ အဆုံးရှုံးခံနိုင်မလည်းဆိုတာကို အရင်ဆုံးတွက်ချက်ပြီး Stop Loss ထားရှိရမှာပဲဖြစ်ပါတယ်။

Stop Loss ထားရှိတာဟာလည်း ကောင်းတဲ့အချက်ပဲဖြစ်ပါတယ်။

ကိုယ်ရှုံးနေမယ်ဆိုရင်တောင် အများကြီးဆုံးရှုံးစရာမလို တဲ့အတွက်ကိုယ်နောက်ထပ်အရောင်းအဝယ်ပြုလုပ်၍ကိုယ့်ရဲ့အမြတ်များကိုလည်း ပြန်လည်ရှာဖွေနိုင်မှာပဲဖြစ်ပါတယ်။

ဒါကြောင့်မို့လို့ အကာင့်ရဲ့ဆုံးရှုံးနိုင်ခြေ Risk နဲ့ အရောင်းအဝယ်အဆုံးရှုံးခံနိုင်ခြေကို အခြေခံတွက်ချက်ပြီးကိုယ်ဘယ်လောက်ဖိုးရောင်းဝယ်သင့်လည်းဆိုတာကိုဆုံဖြတ်ရမှာဖြစ်ပါတယ်။

Lot Size အမျိုးမျိုးရှိပါတယ်။

ကိုယ့်ရဲ့ ရင်းနှီးငွေပမာဏကို ကြည့်ပြီးပြောင်းလဲမှုရှိပါတယ်။

ကိုယ့်ရဲ့ရင်းနှီးငွေ $1000 ရှိမယ်ဆိုလျှင် 0.01lot 

(Micro Lot) နဲ့ Trade သင့်ပါတယ်။

အရောင်းအဝယ် 1pip မြတ်တိုင်း $1 ရရှိမှာဖြစ်ပါတယ်။ 

အကယ်၍ $10000 ဆိုလျှင် 0.1lot (Mini Lot) နဲ့ trade 

လျှင် 1pip မြတ်တိုင်း $10 ရရှိမှာဘဲဖစ်ပါတယ်။

အလားတူ $100000 မှာဆိုရင် 1lot (Standard Lot) 

ဖြစ်တဲ့အတွက်ကြောင့် 1pip မြတ်တိုင်း $100 မြတ်မှာပဲဖြစ်ပါတယ်။

ရှုံးမယ်ဆိုရင်တောင် Lot Size သေးတဲ့အတွက်ကြောင့် Risk မများဘဲ အရောင်းအဝယ်များကို ထပ်မံပြုလုပ်၍ရမှာပဲဖြစ်ပါတယ်။

Lot Size တွက်ရန်👇

[အကောင့် Risk $ / (အရောင်းအဝယ် Risk (pip) × 1pip တန်ဖိုး] = Lot Size 

EUR/USD ငွေကြေးအတွဲမှာဆိုရင် $20 အရှုံးခံပြီး pip 50 အကွာမှာ Stop Loss ထားမယ်ဆိုရင် အရောင်း အဝယ်လုပ်မယ့်အရွယ်အစား Lot Size က [$20/50×$100]=20/5000=0.004 lot

*$20 = ကိုယ်အဆုံးရှုံးခံနိုင်မဲ့ငွေကြေးပမာဏ

**$50 = ကိုယ်အဆုံးရှုံးခံနိုင်မဲ့ pip တန်ဖိုး (entry point နဲ့ stop loss ကြား pip ကွာခြားချက်)

*$100=ငွေကြေးအတွဲရဲ့ 1pip အရွေ့တန်ဖိုး (Standard Lot 1lot) 

*တစ်ခြားငွေကြေးတန်ဖိုးများတွင်လည်း 1pip အရွေ့ပြောင်းလဲမှုပေါ်မူတည်ပြီးတွက်ချက်နိုင်ပါတယ်။

(3) Risk To Reward Ratio (RRR)

-Risk To Reward Ratio (RRR) ဆိုတာ ကိုယ်အရှုံးခံနိုင်မယ့်ငွေပမာဏ (Risk) ရယ် ကိုယ်အမြတ်ယူမယ့်ငွေပမာဏ (Reward) ရယ် တို့ရဲ့ Entry Point/Stop Loss ရှာနည်းတို့တွင်အသုံးဝင်တဲ့နည်းတစ်ခုဖြစ်ပါတယ်။

Risk to Reward Ratio (RRR) ကို (1:1,1:2,1:3,.....) အချိုးများဖြင့်သုံးလေ့ရှိကြပါတယ်။ဥပမာအားဖြင့် RRR (1:1) ကိုသုံးမယ်ဆိုရင် Entry point ကနေ Stop loss နဲ့ Take Profit ကို Pip အရေအတွက်တူညီစွာကွာဝေးရမှာဖြစ်ပါတယ်။ဥပမာ-ကိုယ်က Entry ကို 1930 မှာဝင်မယ်ဆိုရင် ကိုယ့်ရဲ့ Stop loss ကို 1929 မှာထားပြီး Take Profit ကို 1931 မှာထားမယ်ဆိုပါစို့ အကယ်၍ မြတ်မယ်ဆိုလျှင် 1pip စာဘဲအမြတ်ရနှာဖြစ်သလို ရှုံးမယ်ဆိုလျှင်လည်း 1pip စာရှုံးမှာဘဲဖြစ်ပါတယ်။

RRR (1:1) ကို 50% အထက်နိုင်ခြေရှိတဲ့ Method တွေမှာဘဲသုံးသင့်ပါတယ်။

RRR (1:2) ကတော့ အရှုံးကို ၁ဆဘဲထားပြီး အမြတ်ကို ၂ဆ ထားတာဘဲဖစ်ပါတယ်။

ဥပမာ-Stop loss ကို 3pip စာထားထားပြီး Take Profit ကို 6pip စာထားထားမှာဖြစ်ပါတယ်။

RRR (1:2) ကို 40% ဘဲနိုင်ချေရှိတဲ့ Method မှာသုံးရင်တောင်အမြတ်ရနိုင်မှာဘဲဖစ်ပါတယ်။

အလားတူဘဲ Risk to Reward အချိုးများကိုလည်း ကိုယ့်ရဲ့ Trading Style နဲ့ Strategy ပေါ်မူတည်ပြီးကိုယ်တိုင် အချိုးချနိုင်မှာဘဲ ဖြစ်ပါတယ်။

-အခုဆိုရင်တော့ Money Managementနဲ့ပတ်သတ်ပြီး တော်တ်ောများများ သဘောပေါက်နားလည်ကြပီလို့ ထင်ပါတယ်။👌👌👌

Post အားလုံးဖတ်ရန်

ဒီ Blog မှာ တင်သမျှ Post အားလုံး စုစည်းမှု