​Love

အခန်း (၅) 

တစ်စုံတစ်ယောက်ရဲ့ နိမိတ်လက္ခဏာဖြစ်စေပါ

လူအများစုက နိမိတ်လက္ခဏာအတွက် ဆုတောင်းနေကြ တယ်။ လူတွေက “ဘုရားသခင်၊ မိတ်ဆွေတစ်ဦးလောက် လွှတ်ပေးပါ။ ဘုရားသခင်၊ ဒီကလေးတွေကို ကူညီမယ့်သူလိုတယ်။ သင်တန်းတွေ ကျွန်တော်တက်ဖို့လိုတယ်။ ဘုရားသခင်၊ အခွင့်အလမ်းကောင်းတစ်ခု လိုတယ်” ဆိုပြီး ပြောနေကြတယ်။ ကျွန်တော်တို့ နားလည်ထားဖို့က ကျွန်တော်တို့ဟာ သူတို့လိုအပ်နေတဲ့နိမိတ်လက္ခဏာ ဖြစ်လာလို့ ရပါ တယ်။ ။ ဘုရားက လူတွေကို အသုံးပြုတယ်။ အနာငြိမ်းစေဖို့ ကျွန်တော် တို့လက်တွေကလွဲရင် အခြားလက်တွေ ဘုရားမှာမရှိပါဘူး။ ခွန်အား ပေးဖို့ ကျွန်တော်တို့ အသံကလွဲရင် အခြားအသံတွေ ဘုရားမှာမရှိပါဘူး။ ပွေ့ ဖက်ဖို့ ကျွန်တော်တို့ လက်မောင်းတွေကလွဲရင် အခြားလက်မောင်း တွေ ဘုရားမှာမရှိပါဘူး။ ကျွန်တော်တို့ လမ်းကြောင်းပေါ်ကို ဘုရားက လူတွေအား ခေါ်ဆောင်လာမှာပါ။ ဒါမှ သူတို့ဆုတောင်းတဲ့အဖြေကို ကျွန်တော်တို့ ဖြည့်ဆည်းပေးနိုင်ဖို့ ဖြစ်တယ်။

သင်နားလည်ချင်မှ နားလည်မှာပါ။ သင်က ဖြစ်လာတော့မယ့် နိမိတ်လက္ခဏာတစ်ခုပါ။ သင့်အသိတစ်ယောက် အထီးကျန်နေတယ်။

မိတ်ဆွေတစ်ဦးရဖို့ ဆုတောင်းနေတယ်။ သင်က သူတို စောင့်မျှော်နေ တဲ့ နိမိတ်လက္ခဏာပါ။ တစ်စုံတစ်ယောက်က ဆေးစစ်မှတ်တမ်းဆိုး တစ်ခု ရခဲ့လို့ “ဘုရားသခင်၊ ကျွန်တော့်ကို လက္ခဏာတစ်ခုခုပြပါဦး၊ ကိုယ်တော်က အရာရာထိန်းချုပ်နေဆဲဖြစ်ကြောင်း ကျွန်တော့်ကို သိစေ ပါ” ဆိုပြီး ဆုတောင်းနေတယ်။ သင်က သူမျှော်လင့်နေတဲ့ လက္ခဏာပါ။ ဖုန်းတစ်ချက်ဆက်ပြီး “ငါမင်းအကြောင်း တွေးနေတာ။ အရာရာ အဆင်ပြေသွားမယ်ဆိုတာ ငါလှမ်းပြောတာပါ” လို့ပြောဆိုခြင်းဟာ သူတို့အတွက် သင်ဟာ နိမိတ်လက္ခဏာဖြစ်လိုက်တာပါပဲ။ တစ်စုံ တစ်ယောက်က စိတ်ဓာတ်ကျပြီး “ဘုရားသခင်၊ ဒီဘာသာရပ်ကို နားမလည်ဘူး။ ဒီသင်ခန်းစာတော့ ကျပါပြီ။ တစ်ယောက်ယောက် စေလွှတ်ပေးပါ” လို့ပြောနေတယ်။ သင်က သူစေလွှတ်ဖို့ပြောနေတဲ့ သူပါ။

နိမိတ်လက္ခဏာဖြစ်လာဖို့ အချိန်ပေးပါ။ သင့်ဘဝထဲက လူတွေကို သတိပြုပါ။ သူတို့က မတော်တဆ ရောက်လာတာမဟုတ် ပါဘူး။ ဘုရားက တမင်တကာ ထားရှိပေးထားတာပါ။ ဒါဟာ သင်က နိမိတ်လက္ခဏာအပြည့်ဖြစ်နေလို့ပါ။ သင့်အထဲမှာ အနာငြိမ်းခြင်းတွေ ရှိတယ်။ ပြန်လည်ပြည့်ဝခြင်းမိတ်ဆွေဖွဲ့ ခြင်းအသစ်သောအစပြုခြင်း တွေ ရှိပါတယ်။ တစ်စုံတစ်ယောက်ရဲ့ ဆုတောင်းချက်အဖြေကို သင် ဖြည့်ဆည်းပေးရင် ဘဝကြီးက ကျေနပ်ပီတိဖြစ်ဖွယ်ကောင်းလှပါတယ်။ လဲကျနေသူကို သင်ထူပေးနိုင်တယ်။ ကျိုးပဲ့နေသူကို သင်ပြန်လည် ဖြည့်ဆည်းပေးနိုင်တယ်။ သူစိမ်းတစ်ယောက်အပေါ် သင်ကြင်နာပေး နိုင်တယ်။ တစ်စုံတစ်ယောက်ရဲ့ နိမိတ်လက္ခဏာ သင်ဖြစ်လာနိုင်တယ်။

ဖြစ်လာတော့မယ့် နိမိတ်လက္ခဏာ 

ကျွန်တော့်အစ်ကို ပေါလ် (Paul) က ခွဲစိတ်ဆရာဝန်ပါ။ သူကအာဖရိမှာ ချို့ တဲ့နေတဲ့လူတွေကို ကုသပေးနေသူပါ။ မြို့ နဲ့အရမ်းဝေး တဲ့ ရွာလေးတစ်ရွာမှာပေါ့။ ရွာမှာရှိတဲ့ဆေးခန်းက လျှပ်စစ် ပိုးရရုံ ဆေးဘက်ဆိုင်ရာ အထောက်အပံ့နည်းနည်းနဲ့ ဆရာဝန်က တစ်ယောက်ထဲ ရှိတယ်။ ဟိုးအရင်တုန်းက ညဘက်ကြီး လူငယ်လေး တစ်ဦး ဆင်စွယ်နဲ့ ထိုးခံရလို့ ဆေးခန်းလာပြခဲ့တယ်။ ပေါလ်က သူ့ ကို ခွဲစိတ်ခန်းထဲ ခေါ်ပြီး အသက်ကယ်နိုင်ဖို့ ကြိုးစားခဲ့တယ်။ ပြဿနာက ဆေးခန်းမှာ လူနာသွေးသွင်းဖို့အတွက် သွေးအပို မရှိခဲ့ဘူး။ ပေါလ် အနေနဲ့ “သွားပါပြီကွာ။ ငါမင်းကို ကယ်ချင်ပေမယ့် သွေးသွင်းဖို မရှိခဲ့ဘူး။ မင်းကံဆိုးတဲ့နေ့ပဲ” လို့တွေးလို့ရပါတယ်။ ခွဲစိတ်မှုမပြုခင် ပေါလ်က မိနစ် ၃၀ ခန့် သွေးလှူခဲ့တယ်။ လူငယ်လေးကို ခွဲစိတ်ပြီး ပေါလ်ရဲ့ သွေးနဲ့ ပြန်အားဖြည့်ပေးခဲ့တယ်။ ပေါလ် ဘာလုပ်နေတာလဲ။ နိမိတ်လက္ခဏာလုပ်နေတာပါ။ ပေါလ်အနေနဲ့ “ဘုရားရေ. . . ဒီလူ အခြေအနေမကောင်းဘူး။ နိမိတ်လက္ခဏာပြတော်မူပါ” လို့ ဆုတောင်း လို့ရပါတယ်။ ဒါပေမယ့် ပေါလ်က “ငါက မင်းရဲ့ နိမိတ်လက္ခဏာ” လို့ သဘောပေါက်ခဲ့ပါတယ်။

ဘုရားက ကြီးမားတဲ့အရာတွေ လုပ်ဆောင်နိုင်မှန်း ကျွန်တော် တို့ အားလုံး သိကြပါတယ်။ ဘုရားက နိမိတ်လက္ခဏာတွေ လုပ်ဆောင် နိုင်မှန်း ကျွန်တော်တို့ သိကြတယ်။ ဒါပေမယ့် ကျွန်တော်မြင်စေချင်တာ က - ဘုရားက နိမိတ်လက္ခဏာတွေကို ကျွန်တော်တို့အထဲမှာ ထည့် ထားပေးတယ်ဆိုတာပါ။ တစ်ယောက်သောသူရဲ့ ဆုတောင်းချက်အဖြေ ကို ကျွန်တော်တို့ ဖြည့်ဆည်းပေးနိုင်တယ်။ တစ်ယောက်သောသူရဲ့ လို အပ်ချက်ကို သင်ကူညီပေးနိုင်တယ်။ အသက်ကယ်ရလောက်တဲ့အထိ ဟုတ်ချင်မှဟုတ်မယ်။ လုပ်ဖော်ကိုင်ဖက်ကို သင်တတ်ထားတဲ့စွမ်းရည် တွေ ပြပေးတာလည်း ဖြစ်မယ်။ ဒါမှမဟုတ် အိမ်ဌားခ မတတ်နိုင်တဲ့ မိသားစုကို ကူညီပေးတာလည်း ဖြစ်နိုင်တယ်။ ဒါမှမဟုတ် သင့်ကလေးနဲ့အတူ ဘေ့စ်ဘောကစားဖို့ အခြားကလေးကိုပါ ခေါ်ဆောင်သွား တာလည်း ဖြစ်နိုင်တယ်။ သင့်အတွက် အသေးအဖွားဖြစ်နိုင်ပေမယ့် သူတို့အတွက်တော့ ဒါဟာ နိမိတ်လက္ခဏာတစ်ခုပါ။ သူတို့ပန်းတိုင် ဆီ တွန်းပို့လိုက်ခြင်းပါ။

“ငါဟာ ဖြစ်လာတော့မယ့် နိမိတ်လက္ခဏာတစ်ခု” ဆိုတဲ့ “တစ်ခါတလေ စိတ်ထားမျိုး ကျွန်တော်တို့အားလုံးမှာ ရှိမယ်ဆိုရင် ဒီကမ္ဘာကြီးက ဘယ်လိုမျိုးဖြစ်လာမလဲ။ ကျွန်တော်ကြားဖူးတယ် ကျွန်တော်တို့လိုနေတာ နိမိတ်လက္ခဏာမဟုတ်ဘူး။ လူသားအချင်းချင်း ပါ” သင့်ဘဝထဲမှာ ဘယ်သူတွေရှိလဲ ကြည့်လိုက်ပါ။ သူတို့ ပြောနေ တာကို နားထောင်ပါ။ သင်ကူညီပေးနိုင်တဲ့အရာ တစ်နည်းနည်းများ ရှိနေသလား။ ရုံးမှာ သူတို့ မျက်နာရစေဖို့ စကားကောင်းများ သင်ပြော ပေးနိုင်လား။ ပွဲတက်ဖို့ အဝတ်အစား သူတို့ လိုအပ်နေချိန်မှာ သင့် ဗီရိုထဲက မဝတ်တော့မယ့် အဝတ်အစားတွေ ရှိနေသလား။ သူတို မိသားစုတွေ အဝေးရောက်နေလို့ တစ်ယောက်တည်းအထီးကျန်နေ သလား။ တစ်ခါတလေ နေ့လည်စာ အတူစားဖို့ သင်ဖိတ်လို့ ရတယ်။ သူတို့ကို ကြိုဆိုလိုက်ပါ။ ဒါဟာ သူတို့အတွက် သင်က နိမိတ် လက္ခဏာဖြစ်လာစေဖို့ အခွင့်အလမ်းတွေပါ။

အခြားသူတွေကို လန်းဆန်းစေတဲ့အခါ

အသိမိတ်ဆွေတစ်ဦးက ဆင်းရဲတဲ့ရပ်ကွက်မှာ ကြီးပြင်းခဲ့ရပါ တယ်။ မိဘတစ်ဦးပဲရှိပြီး အိမ်ကအမြဲ မငြိမ်သက်ခဲ့ပါဘူး။ သူက စာဖတ်၊ စာရေးခြင်းကို နှစ်သက်ပြီး သူ့အိပ်မက်က (Joumalist) ဖြစ်ဖို့ပါ။ သူက Ivy League တက္ကသိုလ်မှာ ပညာသင်ဆု သတင်းစာဆရာ ရရှိခဲ့တယ်။ သူက အာဖရိကန်-အမေရိကန်လူမျိုးပါ။ သူ့ အခန်းဖော် က ဂုဏ်ရှိအရှိန်အဝါကြီးမားတဲ့ မိသားစုကပါ။ သူတို့နှစ်ယောက်က အခင်မင်ဆုံးသူငယ်ချင်းတွေ ဖြစ်လာခဲ့ကြတယ်။ သူက သူ့ အခန်းဖော် ကို သတင်းစာဆရာဖြစ်ချင်ကြောင်း ပြောပြခဲ့တယ်။ သူ့ အခန်းဖော်က သတင်းစာဆရာဖြစ်ဖို့ဆိုရင် စကားလုံးအသုံးအနှုံး ကြွယ်မှရမယ်။ မင်းက စကားလုံးအသုံးအနှုံး မကြွယ်သေးဘူး” လို့ ပြောတယ်။ နေ့စဉ် အခန်းဖော်က သူ့ ကို အဘိဓာန်ထုတ်ပြီး စကားလုံးအသစ်တွေ သင်ပေး ဝါကျဖွဲ့ ခိုင်းတယ်။ ၄ နှစ်တိတိ သင်ပေးခဲ့တယ်။ ဒီအခန်းဖော်က ၁၁လုပ်နေတာလဲ။ နိမိတ်လက္ခဏာ ဖြစ်ပေးနေတာပါ။ အခန်းဖော်က သူငယ်ချင်းအပေါ် စောင့်ရှောက်ပေးတယ်။ ဘဝမှာ အကြောင်းရှိလို ဆုံတွေ့ရမှန်း နားလည်ခဲ့တယ်။ ယနေ့မှာတော့ ဒီလူငယ်လေးက အမေရိကန်ရဲ့ ထိပ်တန်းသတင်းစာဆရာတစ်ယောက် ဖြစ်လာခဲ့ပါပြီ။ သူက သတင်းဌာနကြီးတစ်ခုအလုပ်လုပ်ပြီး နာမည်ကြီးသတင်းအစီ အစဉ်များကို ကြီးကြပ်နေရပါပြီ။ တကယ်လို့ သူ့ အခန်းဖော်သာ သူ့ အတွက် နိမိတ်လက္ခဏာဖြစ်စေဖို့ အချိန်မပေးခဲ့ရင် ဒီလူငယ်လေးလဲ ဘယ်ရောက်နေမလဲ ကျွန်တော်တွေးမိပါတယ်။

သင့်အနေနဲ့ “ငါတော့ သူများအတွက် နိမိတ်လက္ခဏာမဖြစ် ချင်ပါဘူး။ ငါက နိမိတ်လက္ခဏာ လိုချင်နေတာ” လို့ပြောနိုင်ပါတယ်။ အဓိကအချက်က သင်က နိမိတ်လက္ခဏာဖြစ်လာရင် ဘုရားက - သင်လိုချင်တဲ့ နိမိတ်လက္ခဏာတွေကို အမြဲဖြည့်ဆည်းပေးမှာပါ။ ဒီလို မျိုးစေ့တွေကို စိုက်နေသရွေ့ မှန်ကန်သောလူတွေအခွင့်အလမ်း တွေက သင့်အနာဂတ်မှာရှိနေမှာပါ။ သုတ္တံ ၁၁း၂၅ မှာ - “သူတပါးကို ရေလောင်းသောသူသည် ကိုယ်တိုင်ရေလောင်းခြင်းအကျိုးကို ခံရလိမ့် မည်” လို့ ပြောထားတယ်။ သင့်အိပ်မက်ပြည့်စုံချင်ရင် သူတပါးရဲ့ အိပ်မက်ပြည့်စုံဖို့ ကူညီပေးလိုက်ပါ။ နိမိတ်လက္ခဏာ သင်လိုနေရင် ကိုယ်တိုင် နိမိတ်လက္ခဏာဖြစ်လိုက်ပါ။ သူတပါးအပေါ် အချိန်ပေးရင် သင်စိုက်တဲ့မျိုးစေ့တွေက သင့်ဆီအမြဲပြန်လာမှာပါ။

မကြာသေးမီ နှစ်အနည်းငယ်က ဝတ်ပြုအစည်းအဝေးအပြီး အမျိုးသမီး ၂ ယောက်နဲ့ ကျွန်တော်ဆုံခဲ့တယ်။ ကျွန်တော် ထင်တာက အမေနဲ့ သမီးပေါ့။ အသက်ကြီးသူ အမျိုးသမီးက “မဟုတ်ဘူး။ ဒါပေ မယ့် ကျွန်မရဲ့ သမီးလိုပါပဲ” လို့ပြောပြခဲ့တယ်။ ဒါနဲ့ ဒီအမျိုးသမီးက ကျွန်တော်တို့ အရင်ဘုရားကျောင်းနေရာကနေ အခုနေရာသစ်ဆီ ပြောင်းခဲ့ချိန် လာနိုင်ပါ့အုန်းမလား စိတ်ပူနေခဲ့တာ။ မုဆိုးမ ဖြစ်ပြီး လမ်းမကြီးပေါ် ကားလည်းမမောင်းရဲခဲ့ဘူး။ တစ်နေ့ ဝတ်ပြုအစည်း အဝေး အပြီးမှာ သူမက ဒီအကြောင်းကို မိတ်ဆွေတွေအား ပြောပြ ခဲ့တယ်။ အနားကဖြတ်သွားတဲ့ အမျိုးသမီးငယ်လေးက ကြားသွားပြီး "အန်တို့ကို တနင်္ဂနွေနေ့ တိုင်း သမီးလာကြိုပေးမယ်” လို့ ပြောခဲ့တယ်။ သူမလည်း အရမ်းအံ့ဩသွားပြီး “တကယ်ပြောတာလား။ သမီးက ဘယ်မှာနေတာလဲ” လို့ မေးခဲ့တယ်။ သူတို့ အိမ်က မိနစ် ၃ဝ လောက် ဝေးကွာပါတယ်။ အမျိုးသမီးငယ်လေးက ဒီလိုတွေးလို့ လည်းရပါတယ် -

“ကူညီချင်ပေမယ့် ဝေးလိုက်တာ။ ငါ့အလုပ်ကလည်း ရှိသေး၊ ပြီးတော့ ဆီဈေးကလည်း တက်နေတယ် ” ဒါပေမယ့် အမျိုးသမီးငယ်လေးက ဒါဟာ နိမိတ်လက္ခဏာဖြစ်ဖို့ အခွင့်အရေးတစ်ခုလို့ မြင်ခဲ့ပါတယ်။ အခုချိန်မှာတော့ သူမက တနင်္ဂနွေနေ မနက်တိုင်း အန်တို့ကို သွားကြို ပြီး ဘုရားကျောင်းကို ခေါ်လာပေးနေတယ်။ ဒီအကြောင်းကို ပြောပြ နေချိန်မှာ အသက်ကြီးသူအမျိုးသမီးက သူမကို ပွေ့ဖက်ပြီး “ဂျိုးလ်၊ သူမက ကျွန်မရဲ့ နိမိတ်လက္ခဏာပဲ” လို့ ပြောခဲ့တယ်။

လူတိုင်းကို မကူညီနိုင်ရင်တောင် တစ်စုံတစ်ယောက်ကို ကူညီ နိုင်ပါတယ်။ ဘုရားက သင့်လမ်းကြောင်းပေါ်မှာ လူတွေကို ထားရှိပေး ထားပြီး သူတို့က သင့်ပန်းတိုင်နဲ့ ချိတ်ဆက်နေပါတယ်။ သူတို့ကို ကူညီရင် သင်လည်း မြင့်သထက် မြင့်မားလာမှာပါ။ သူတို့လိုအပ်ချက် ကို ဖြည့်ဆည်းပေးရင် ဘုရားက သင့်လိုအပ်ချက်တွေကို ကြွယ်ဝလျှက် ဖြည့်ဆည်းပေးမှာပါ။ သင်က နိမိတ်လက္ခဏာဖြစ်လာရင် ဘုရားက သင့်ကို နိမိတ်လက္ခဏာတွေ ပေးမှာပါ။ ဒီလိုပဲ ဆန့်ကျင်ဘက်အရာ လည်း မှန်ပါတယ်။ တစ်စုံတစ်ယောက်ကို မကူညီနိုင်လိုက်အောင် ကျွန်တော်တို့ အလုပ်များနေရင် ကျွန်တော်တို့လိုအပ်တဲ့ အကူအညီ လည်း ရမှာမဟုတ်ပါဘူး။ အခြားသူတွေအပေါ် အချိန်မပေးပဲ မိမိ အိပ်မက်တွေအတွက်သာ အချိန်ကုန်နေမယ်၊ အခြားသူကို ခွန်အားမပေးပဲ မိမိပြဿနာတွေအတွက် စိုးရိမ်နေမယ်ဆိုရင် ကျွန်တော်တို့ ရပ်တန့် သွားမှာပါ။ သင့်စွမ်းရည်အမြင့်ဆုံး ရောက်ရှိဖို့ က အခြားသူရဲ့ စွမ်းရည်အမြင့်ဆုံးရောက်အောင် ကူညီပေးမှုအပေါ် မူတည်နေတယ်။ “သွားအပြန် သဘောမျိုးပါ။ အခြားသူ အမြင့်ရောက်အောင် ကူညီရင် သင်လည်း အမြင့်ကို တက်လှမ်းနိုင်မှာပါ။

သင်က နိမိတ်လက္ခဏာအပြည့်ပါ

ရှင်လုကာ (ကျမ်းစာ) မှာ ယေရှုက လူတစ်ယောက် လမ်းသွားနေတုန်း ဓားပြတွေနဲ့ တွေ့ ပြီး ရိုက်နှက်ခံရကာ မြေပေါ်မှာ သေလုမတတ်ဖြစ်ခဲ့ရတယ်။ ခဏအကြာမှာ ယဇ်ပုရောဟိတ်တစ်ဦး ဖြတ်သွားတုန်း သူ့ကိုမြင်ကာ “ဒီလူတော့ အခြေအနေဆိုးတာပဲ။ သေချာတယ် သူတော့ နိမိတ်လက္ခဏာလိုအပ်နေပြီ။ ငါဆုတောင်းပေး ပါမယ်” လို့ပြောကာ ထွက်သွားခဲ့တယ်။ ခဏအကြာ လေဝိလူတစ် ယောက် ဖြတ်သွားတုန်း သူ့ကိုမြင်တော့ စိတ်မကောင်းဖြစ်ခဲ့ရတယ်။ “ဒါမတရားလိုက်တာကွာ။ တစ်ယောက်ယောက် လာကူရင် ကောင်းမှာပဲ” လို့ တွေးပြီး ထွက်သွားခဲ့တယ်။

တတိယမြောက် ရှမာရိ လူတစ်ယောက်ရောက်လာခဲ့တယ်။ အရှေ့ က နှစ်ယောက်လို သူလည်း “ဒီလူ နိမိတ်လက္ခဏာ လိုနေပြီ” လို့ တွေးလိုက်တယ်။ ဒါပေမယ့် သူက “ကဲ. . . ငါက သူလိုနေတဲ့နိမိတ် လက္ခဏာ။ အချိန်မှန် နေရာမှန် ငါရောက်နေတယ်။ ဘုရားက ငါ့ကို သူနဲ့ ဆုံခိုင်းတော ငါ့အနေနဲ့ ရောဂါငြိမ်းပေးသူ၊ ပြန်လည်ကျန်းမာစေ သူ၊ သူ့ကို အသစ်သောအစပြုခြင်းပေးစွမ်းသူ ဖြစ်စေချင်လို့ ပဲ" လို ပြောခဲ့တယ်။ ရှမာရိလူက သူ့ကိုဂရုစိုက်ပေးကာ ရေတိုက်ခဲ့တယ်။ အနာတွေကို အဝတ်နဲ့စည်းပေးခဲ့ပြီး တိရစ္ဆာန်ပေါ် ချီတင်ပေးခဲ့တယ်။ အနီးဆုံး မြို့ ဆီ တစ်မိုင်ပြီးတစ်မိုင် ခရီးနှင်ခဲ့ကြတယ်။ စရပ် တစ်ခုဆီ ရောက်တော့ ပိုင်ရှင်အား ငွေကြိုပေးကာ “ဒီလူကို စောင့်ရှောက်ပါ။ သူနေချင်သလောက် ဒီမှာနေပါစေ။ သူလိုအပ်တာတွေ လုပ်ပေးပါ။

ကျွန်တော်ပြန်လာတဲ့အခါ ကုန်သမျှကို ထပ်ပေးအုန်းမယ်” လို့ပြောခဲ့ တယ်။

ကျွန်တော် မေးချင်တာက => သင်ကော ဘယ်လိုလူမျိုးလဲ။ အလုပ်များပြီး “အခြားသူကို ကူဖို့ အချိန်မရှိဘူး။ ငါ့ပြဿနာတွေနဲ ငါအလုပ်ရှုပ်နေတာ” လို့တွေးမိတတ်ကြတယ်။ အခြားသူတွေကို ကူညီခြင်းက သင့်အခြေအနေကို တမျိုးပြောင်းလဲနိုင်မှာပါခွန်အာ ပေးဖို့ လိုအပ်နေသူ၊ ကားကြုံစီးဖို့ လိုအပ်နေသူ၊ သွေးလိုအပ်နေသူ၊ အိပ်မက်ပြည့်စုံဖို့ အကူအညီလိုအပ်နေသူတွေကို သင်မြင်တဲ့အခါ သူတို့ ဟာ သင့်ကို အမြင့်နောက်တစ်ဆင့်ရောက်စေမယ့် အခွင့်အလမ်း တွေပါ။

စိတ်ဝင်စားဖို ့ကောင်းတာက ယေရှုဟာ ဒီဇတ်လမ်းမှာ ယဇ်ပုရောဟိတ်တစ်ပါးကို ဥပမာအဖြစ် သုံးခဲ့တယ်။ ယဇ်ပုရောဟိတ် က ဗိမာန်တော်သွားနေတာပါ။ ဘာသာရေးတာဝန်တွေ လုပ်ရမယ်လေ။ ဒီလူနဲ့ အချိန်ဖြုန်းလို့ မရဘူးပေါ့။ တကယ်လို့များ ဒီလူကို ကူညီခဲ့ မယ်ဆိုရင် သူဝတ်လာတဲ့ အဖြူရောင်ဝတ်ရုံက သွေးတွေပေမယ်၊ ညစ် ပတ်သွားမယ်။ ဒါဆိုရင် ဗိမာန်တော်မှာ အမြင်မတော်ဖြစ်လာမယ်။ ဆင်ခြေတွေ သူ့မှာရှိတယ်။ ဒါပေမယ့် စစ်မှန်တဲ့ဘာသာရေးဆိုတာ ညစ်ပေနိုင်တယ်။ စစ်မှန်တဲ့ဘာသာရေးဆိုတာ အကောင်းစား အဝတ် အစားတွေ အနောက်မှာ ပုန်းကွယ်စရာမလိုဘူး။ စစ်မှန်တဲ့ဘာသာ ရေးဆိုတာ လိုအပ်တဲ့နေရာဆီ သွားတာပါ။

တစ်စုံတစ်ယောက်ကို ဆွဲထူခြင်းက ဘုရားအမြင်မှာ အမြင့် ဆုံးသော အရာပါ။ ဘုရားရဲ့ စိတ်သဘောနဲ့ အနီးဆုံးဖြစ်ဖို့က နာကျင် နေသူကို ကူညီခြင်းပါ။ ကြေကွဲနေသူကို နှစ်သိမ့်မယ်၊ သူတို့အနာကို ဆေးလိမ်းပေးမယ်၊ ခွန်အားပေးမယ်၊ မျက်ရည်သုတ်ပေးမယ်၊ အသစ် သောအစပြုခြင်းတွေ ရှိသေးကြောင်း သူတို့ကို ပြောပြမယ်ဆိုရင် ဒါဟာ ယေရှုပြောနေတဲ့ ဘာသာရေးပါပဲ။ စစ်မှန်တဲ့ဘာသာရေးက လူတွေကို အကူအညီပေးဖို့ ထိုက်တန်လား၊ မတန်လား မစီရင်ဘူး။

“သူမက အကူအညီလိုနေတယ်။ ဒါပေမယ့် သူမ နေပုံထိုင်ပုံ မမှန်ဘူး” “သူနာကျင်နေတယ်။ ဒါသူ အမှားလေ။ မကောင်းတာ စွဲလမ်းတာကိုး။ ကိုယ့်ဒုက္ခ ကိုယ်ရှာတာ” ဆိုပြီး မစီရင်ဘူး။

ယေရှုက “ကျန်းမာသောသူတို သည် ဆေးသမား (ဆရာဝန်) ကို အလိုမရှိကြ။ နာသောသူတို့သာလျှင် အလိုရှိကြ၏” လို့ ပြောထား တယ်။ လူတွေကို စီရင်ဖို့ ဘုရားက ကျွန်တော်တို့ကို မပြောပါဘူး။ လူတွေကို ကုသပေးဖို့ ဘုရားပြောနေတာပါ။ လူတွေကို ပြန်လည်ဖြည့် ဆည်းပေးဖို့ ဘုရားက ကျွန်တော်တို့ကို ခေါ်နေတယ်။ လူတွေရဲ့ နိမိတ်လက္ခဏာဖြစ်လာဖို့ ဘုရားက ကျွန်တော်တို့ကို ခေါ်နေတယ်။ အပြစ်ရှာတာက လူတိုင်းလုပ်တတ်ပါတယ်။ ဝေဖန်ကဲ့ရဲ့တာ၊ ဆင်ခြေ ပေးတာက လူတိုင်းလုပ်တတ်ပါတယ်။ လွယ်တာကိုး။ ဒါပေမယ့် ဂရုစိုက် ဖို့ အချိန်ပေးမယ့် လူတွေကဘယ်မှာလဲ။ ဖေးထူ၊ ညစ်ပတ်ခံနိုင်ပြီး ချစ်ခြင်းမေတ္တာပြမယ့် လူတွေကဘယ်မှာလဲ။

တတိယ ရှမာရိလူက ချက်ချင်းပဲ လူနာကို ကူညီပေးခဲ့တယ်။ နှစ်ခါတောင် မစဉ်းစားဘူး။ သူက နိမိတ်လက္ခဏာဖြစ်ပေးခဲ့တယ်။ ဒီလိုလူမျိုး ကျွန်တော်တို့ ဖြစ်သင့်တာပါ။ ဖြတ်သွားခဲ့တဲ့လူတွေလို မဖြစ်စေပါနဲ့။ အလုပ်မှာ ၊ ဘုရားကျောင်းမှာ အလုပ်တွေ အရမ်းများ မနေပါနဲ့။ ဒုတိယလူလို “မဖြစ်သင့်တာ။ စိတ်မကောင်းဘူးကွာ။ ဆုတောင်းပေးပါမယ်” ဆိုပြီး ထွက်သွားတဲ့လူ မဖြစ်စေနဲ့။ နိမိတ် လက္ခဏာဖြစ်လိုက်ပါ။ ဘုရားက ကျွန်တော်တို့ကို အားကိုးနေတယ်။ သင်က လဲကျသူကို ဖေးထူပေးနိုင်တယ်။ သင်က နာကျင်သူကို ကုသပေးနိုင်တယ်။ သင်က အထီးကျန်သူကို အဖော်ပြုပေးနိုင်တယ်။ အိပ်မက်တစ်ခုဖြည့်ဆည်းဖို့… သင်ကူညီနိုင်တယ်။ သင်က နိမိတ် လက္ခဏာအပြည့်ပါ။

လိမ်းဆေး ဆီလောင်းပါ

နာမည်ကြီး ခရစ်ယာန် အမျိုးသမီးအဆိုတော် တမ်မီထရန် (Tammy Trent) o ကျွန်တော့်မိတ်ဆွေပါ။ အိမ်ထောင်သက် ၁၁ နှစ် ပြည့် အထိမ်းအမှတ်အနေနဲ့ သူမနဲ့ ခင်ပွန်းဖြစ်သူက အပူပိုင်းဒေသ ကျွန်းတစ်ခုစီ အပျော်ခရီးထွက်ခဲ့ကြတယ်။ ခင်ပွန်းက ရေငုပ်ကျွမ်းကျင် သူပါ။ လေရှူစက်မပါပဲ ရေထဲမှာ ၆ မိနစ် ၇ မိနစ် အသက်အောင့်နေ နိုင်ပါတယ်။ ကမ်းခြေရောက်တဲ့နေ့ သူတို့လည်း စိတ်လှုပ်ရှားခဲ့တယ်။ ခင်ပွန်းက ရေထဲဆင်းပြီး ရေအောက်လှိုဏ်ဂူတွေကို စူးစမ်းခဲ့တယ်။ တမ်မီကတော့ လှပတဲ့ရှုခင်းတွေကို ကြည့်ရှုနေခဲ့တယ်။ မိနစ်ခန့် အကြာ သူမရဲ့ ခင်ပွန်းကို မတွေ့တော့ စိုးရိမ်စိတ် ဝင်လာခဲ့ရတယ်။ မိနစ် ၂ဝ ကြာသည့်တိုင် ခင်ပွန်းရဲ့ အရိပ်အယောင်တောင် မတွေ့ ရပါ။ ဒါနဲ့ သက်ဆိုင်ရာကို သူမ အကြောင်းကြားခဲ့တယ်။ သက်ဆိုင်ရာက လှေသဘောတွေနဲ့ လိုက်ရှာကြတယ်။ ကံဆိုးစွာဖြင့် နောက်နေ့မှာ ခင်ပွန်းရဲ့အလောင်းကို တွေ့ ရှိခဲ့ပါတယ်။

တမ်မီက အရမ်းအံ့အားသင့်ပြီး စိတ်ကြေကွဲခဲ့ရတယ်။ အခြား နိုင်ငံမှာ အသိမရှိ အထီးကျန်နေခဲ့ရတယ်။ မိဘတွေက နောက်နေ့ အတွက် လေယာဉ်လက်မှတ် ပြင်ဆင်ပေးခဲ့တယ်။ ဒီဖြစ်ရပ်က (World Trader Center အကြမ်းဖက်ခံရတဲ့) စက်တင်ဘာ ၁၁၊ ၂၀၀၁ မတိုင်ခင် စက်တင်ဘာ ၁ဝ မှာ ဖြစ်ခဲ့တာပါ။ နောက်နေ့မှာ လေယာဉ်တွေ အားလုံး ရပ်နားခဲ့ရလို တမ်မီလည်း အိမ်မပြန်နိုင်ပဲ တစ်ယောက်တည်း ဖြစ်နေခဲ့တယ်။ ဘာမှလည်း စဉ်းစားလို့မရတော့ဘူး။ နောက်ဆုံးမှာ သူမက “ဘုရားသခင်၊ သမီးကို ဂရုစိုက်သေးရင် တစ်ယောက်ယောက် စေလွှတ်ပေးပါ။ ကိုယ်တော်ရှိကြောင်း သိရဖို. တစ်ယောက်ယောက် စေလွှတ်ပေးပါ” လို့ ဆုတောင်းခဲ့တယ်။

မိနစ်အနည်းငယ်အကြာ သူမရဲ့ ဟိုတယ်အခန်း တံခါးခေါက် သံကြားခဲ့ရတယ်။ ဂျမေကာလူမျိုး သန့်ရှင်းရေးအမျိုးသမီးပါ။ သူမက “ကျွန်မ စပ်စုတာတော့ မဟုတ်ပါဘူး။ ဟိုဘက်ခန်းမှာ သန့်ရှင်းရေးလုပ်နေတုန်း ဒီအခန်းက ငိုသံကို ကျွန်မ ကြားနေခဲ့ပါတယ်။ ကျွန်မ ဆုတောင်းပေးဖို့ လိုမလား” လို့ ပြောခဲ့တယ်။ တမ်မီလည်း ဖြစ်စဉ်ကို ရှင်းပြခဲ့တယ်။ သန့်ရှင်းရေးအမျိုးသမီးက တမ်မီကို သမီးအရင်းကဲ့သို့ ပွေ့ဖက်ခဲ့တယ်။ ဒီအခိုက်အတန့်လေးကြောင့် တမ်မီက ဘုရားက အရာရာထိန်းချုပ်နေဆဲလို့ သိခဲ့တယ်။ သန့်ရှင်းရေးအမျိုးသမီးက ရောဂါငြိမ်းသူအဖြစ် အချိန်ပေးခဲ့တယ်။ အနားမှာရှိတဲ့သူရဲ့ ငိုသံကို ကြားခဲ့တယ်။ မျက်ရည်တွေကို သုတ်ပေးဖို့ အဲဒီနေရာမှာ ရှိနေခဲ့တာ။ သန့် ရှင်းရေးအမျိုးသမီးက တမ်မီရဲ့ ဝေဒနာကို လိမ်းဆေး ဆီလောင်း ခဲ့ပြီး နိမိတ်လက္ခဏာဖြစ်လာခဲ့တယ်။

ဂရုစိုက်ကြောင်း ပြသပါ

ကျမ်းစာမှာ ဘုရားက မျက်ရည်အားလုံးကို တစ်နေ့ကျရင် သုတ်ပတ်ပေးမယ် ပြောထားတယ်။ ဝမ်းနည်းဖွယ်ဖျားနာမှုဝေဒနာ တွေ ရှိတော့မှာမဟုတ်ပါဘူး။ လောလောဆယ်မှာတော့ ဘုရားက ကျွန်တော်တို့ကို သူတပါးမျက်ရည်တွေ သုတ်ပေးဖို့ အားထားနေပါ တယ်။ လဲကျနေသူကို သင်က ထူပေးနေလား။ ကြေကွဲနေသူကို ပြန် လည်ပြည့်ဝအောင် သင်လုပ်ဆောင်လား။ လိုအပ်နေသူကို အချိန်ပေး ကူညီနေလား။ ဘုရားကျောင်းလာပြီး ချီးမွမ်းတာကောင်းပါတယ်။ ဒါက အရေးကြီးပါတယ်။ ဒါပေမယ့် တကယ့်တာဝန်က ဘုရားကျောင်းက ပြန်သွားတဲ့အချိန်ပါ။ ဘေးဘယ်ညာကြည့်ပြီး … စိတ်အားငယ်နေသူကို ရှာပါ။ ကကူအညီတောင်းနေတဲ့ အသံတွေကို နားပါ။ နားနဲ မကြား ရင်တောင် နှလုံးသားနဲ့ နားထောင်ပါ။ တစ်စုံတစ်ယောက်က လဲကျ နေမယ်။ ရုတ်တရက် သင်က ကရုဏာစိတ်ဝင်ပြီး “ငါသူတို့ကို ညစာ ကျွေးဖို့လိုမယ်။ သူတို့ကို ငါအားပေးဖို့ လိုမယ်” လို့တွေးမိလာခဲ့ရင် လုပ်လိုက်ပါ။ ဖြတ်လျှောက်သွားသူတစ်ယောက် မဖြစ်စေနဲ့ ။ ဘုရားက သင့်ကို ရောဂါငြိမ်းသူအဖြစ် အလိုရှိနေတာပါ။ သင်သုတ်ပေးရမယ့် မျက်ရည်ရှိနေပါတယ်။

ဟိုးအရင်တုန်းက နေ့လည်စာစားဖို့ စားသောက်ဆိုင်ဆီ ကျွန်တော်သွားခဲ့တယ်။ ကောင်တာမှာ မှာစားရတာပါ။ ကောင်တာကို သွားနေတုန်း စားပွဲခုံမှာ တစ်ယောက်တည်းထိုင်စားနေတဲ့ လူတစ်ဦးကို မြင်ခဲ့ပါတယ်။ သူက ကျွန်တော့်ကို ခေါင်းငြိမ့်ပြတယ်။ ချက်ချင်းပဲ သူ့ အပေါ် ကျွန်တော်စာနာစိတ်ဝင်မိခဲ့တယ်။ သူ့ကို တစ်နည်းနည်းနဲ့ အားပေးဖို့ ကျွန်တော်ခံစားမိခဲ့တယ်။ သူ့ ပုံစံကတော့ သန့် သန့်ပြန့် ပြန့် ဝတ်စားထားသူပါ။ ကျွန်တော်ကတော့ ဘောင်းဘီတိုဝတ်ထားတယ်။ ကျွန်တော်နဲ့အတူ ၂ နှစ်အရွယ် သားလေး ‘ဂျော်နသန်’ လည်းပါ တယ်။ ကျွန်တော်တွေးလိုက်တယ် “ဒီလူ့ကို အားမပေးတော့ပါဘူး။ ကြည့်ရတာ သူအဆင်ပြေနေတာပဲ” လို့ စိတ်ထဲမှာ ပြောမိနေခဲ့တယ်။

နေ့လည်စာ မှာပြီး ကျွန်တော်ပြန်လှည့်လာခဲ့တယ်။ သူက ကျွန်တော့်ကို ခေါင်းငြိမ့်ပြတော့ ကျွန်တော် သူ့စားပွဲနားကိုသွားကာ “ဟဲလို၊ အဆင်ပြေလား” လို့ နှုတ်ဆက်ခဲ့တယ်။

သူက ရယ်မောပြီး “သိပ်တော့ မပြေဘူး။ အခြေအနေတွေက ခက်ခဲနေတယ်” ချက်ချင်း ကျွန်တော်လည်း ပြုံးပြီး “ပြန်ကောင်းလာမှာပါ” လို့ပြောခဲ့တယ်။

သူက ကျွန်တော့်ကို ကျေးဇူးတင်ကြောင်းပြောခဲ့တယ်။ ဒါနဲ ကျွန်တော်လည်း ထွက်လာခဲ့တယ်။ စကားခဏလေးပဲ ပြောဖြစ်ခဲ့ကြ တာပါ။

လအနည်းငယ်ကြာတော့ သူ့​ဆီကနေ စာတစ်စောင် လက်ခံ ရရှိခဲ့တယ်။ သူက ပြောပြတယ် - အဲဒီအချိန်တုန်းက သူက စိတ်ဓာတ် အကျဆုံး ဖြစ်နေခဲ့တာပါ။ အိမ်ထောင်ကွဲခဲ့လို့သူ့ကမ္ဘာပျက်စီးနေခဲ့ တာပါ။ လပေါင်းများစွာ သူက စိတ်ဓာတ်ကျနေခဲ့တယ်။ စာထဲမှာ သူက ပြောပြတယ် - “ခင်ဗျား ကျွန်တော့်ကို ပြန်ကောင်းလာမှာပါလို ပြောတဲ့အခါ ကျွန်တော့်အထဲမှာ တစ်ခုခုက လှုံ့ ဆော်လာသလို ခံစား မိခဲ့တယ်” အဲဒီနေ့က သူ့ဘဝ အလှည့်အပြောင်းဖြစ်ခဲ့ရတယ်။ စိတ်ဓာတ်ကျခြင်းမှ သူရှန်းထွက်နိုင်ခဲ့တယ်။ စိတ်ခွန်အားတွေ ပြန်ရခဲ့တယ်။ နမှာတော့ သူရှေ့ ဆက်သွားနေပါပြီ။ ကျွန်တော်က လေးနက်တဲ့အရာ ဘာမှပြောခဲ့တာမဟုတ်ဘူး။

အချိန်ယူပြီး သူ့ ကို ဂရုစိုက်ကြောင်း ပြသခဲ့ရုံပါ။ ကျွန်တော်တို့ အထဲမှာ စကြဝဠာရဲ့ အစွမ်းထက်ဆုံးအားအင် ရှိနေတယ်။ သာမန်အရာလို့ သင်ရတဲ့အရာက ဘုရားလုပ်ဆောင်တဲ့အခါ ထူးခြားတဲ့အရာဖြစ်လာခဲ့ တယ်။ ရိုးရှင်းတဲ့ ကြင်နာမှုတစ်ခု၊ ပွေ့ ဖက်မှုတစ်ခု၊ ခွန်အားပေးစကား တွေက ဘဝအပြောင်းအလဲ ဖြစ်စေနိုင်တယ်။ သင့်ဘက်က ဂရုစိုက် ကြောင်း ပြသလိုက်ပါ။ သူတို့ဘဝကို ပြန်ရှင်သန်စေမယ့် မီးတောက် ဖြစ်သွားနိုင်ပါတယ်။

ကယ်တင်ပေးသော ပွေဖက်မှုများ

၁၉၉၅ မှာ အမျိုးသမီးတစ်ဦးက အမွှာမိန်းကလေး ၂ ဦးကို မွေးဖွားခဲ့တယ်။ လမစေ့ပဲ မွေးဖွားခဲ့တာပါ။ ကလေးတစ်ဦးက ပြင်းထန် တဲ့နှလုံး ပြဿနာခံစားခဲ့ရလို. အသက်ရှင်ဖို့မလွယ်လှပါဘူး။ ဆေးရုံ စည်းကမ်းအရ ကလေးတွေကို သီးခြား Incubator ထဲ ထားခဲ့ရတယ်။ ရက်ပေါင်းများစွာအကြာ ဒီကလေးရဲ့အခြေအနေက ဆိုးရွားလာခဲ့ပြီး သေဆုံးခါနီး ဖြစ်ခဲ့လာပါပြီ။ သူနာပြုတစ်ယောက်က ဒီကလေးကို မိခင် ဝမ်းဗိုက်ထဲကလို အခြားအမွှာလေးနဲ့ အတူ Incubator တစ်ခုတည်းမှာ ထားရှိသင့်တယ်လို ခံစားမိခဲ့တယ်။ ကလေး ၂ ယောက်ကို အတူတူ ထားရှိဖို့ အတွက် ဆေးရုံမှ ခွင့်ပြုပေးရန် တောင်းဆိုတော့ ခွင့်ပြုခဲ့တယ်။ ညဘက်မှာ ကျန်းမာတဲ့ကလေးက ဖျားနေတဲ့ညီမလေးကို ပွေ့ဖက် နေခဲ့တယ်။ အားလုံးရဲ့ အံ့အားသင့်ဖွယ် ဖျားနေတဲ့ကလေးရဲ့ ကျန်းမာ ရေးမှာ တိုးတက်လာခဲ့တယ်။ ကိုယ်အပူချိန်က ပုံမှန်အတိုင်းဖြစ်လာခဲ့ တယ်။ နှလုံးခုန်သံလည်း ငြိမ်လာခဲ့တယ်။ တဖြည်းဖြည်း တစ်နေ့ပြီး တစ်နေ့ နေပြန်ကောင်းလာခဲ့တယ်။ ယနေ့မှာတော့ အမွှာညီမ ၂ ယောက်လုံးက ကျန်းမာပကတိဖြစ်နေခဲ့ပါပြီ။ သူတို့ငယ်ငယ်တုန်းကပွေ့ဖက် နေတဲ့ ဓာတ်ပုံလေးကို (Rescuing Hug) “ကယ်တင်ပေးသော ပွေ့ဖက်မှု” လို့ ခေါ်ခဲ့တယ်။

ကျွန်တော်တို့ က မိမိတို့ ရဲ့ အစွမ်းကို အမြဲသတိပြုမိမှာ မဟုတ် ပါဘူး။ ဘုရားက သင့်အထဲမှာ ကုသခြင်းတွေ ထည့်ပေးထားတယ်။ သင့်ပွေ့ ဖက်မှုက လူတွေကို ပိုကောင်းတဲ့သူဖြစ်စေနိုင်တယ်။ ကြင်နာ ဖွယ် သင့်စကားတွေက လူတွေကို ပြန်မတ်တည်ပေးနိုင်တယ်။ ကျမ်းစာ မှာ “ဖြည်းညှင်းသောလျှာသည် အသက်ဖြစ်၏” လို့ပြောထားတယ်။ ဖုန်းခေါ်ဆိုမှုတစ်ခု၊ ကားကြုံပို့မှုတစ်ခု၊ ညစာကျွေးမှုတစ်ခု၊ လူတွေ အိပ်မက်တွေအပေါ် အားပေးမှုတွေဟာ သင့်အထဲက ဖြစ်လာမယ့် နိမိတ်လက္ခဏာတွေပါ။ အချို့ လူတွေ လိုအပ်နေတာက သူတို့အပေါ် သင့်ယုံကြည်မှုပါ။ သင်က “မင်းအံ့ဖွယ်ကောင်းလိုက်တာ။ ကြီးမြတ် တဲ့အရာတွေ မင်းလုပ်တော့မှာ။ ငါမင်းအတွက် ဆုတောင်းပေးနေမယ်” လို့ ပြောဆိုခြင်းက သင့်အတွက်ရိုးရှင်းပေမယ့် အခြားသူအတွက်တော့ ခွန်အားဖြစ်စေမှာပါ။ သူတို့ကို ဖန်ဆင်းခဲ့တဲ့အတိုင်း ပွင့်လန်းစေဖို အကူအညီဖြစ်စေပါတယ်။

ကျမ်းစာထဲမှာ မောရှေက တောင်ထိပ်ပေါ်ကနေ စစ်ပွဲတစ်ခု ကို ကြည့်နေခဲ့တယ်။ သူက လှံတံကိုင်လျှက်လေထဲမှာ မြှောက်ထား တယ်။ လှံတံက လေထဲမှာရှိနေသရွေ့ စစ်တိုက်နေကြတဲ့ ဣသရေလ လူတွေက အနိုင်ရနေတယ်။ စစ်ပွဲက တစ်နာရီပြီးတစ်နာရီ ကြာညောင်း လာတော့ မောရှေ လက်ညောင်းလာခဲ့တယ်။ သူ့လက်ကိုချလိုက်တိုင်း ရန်သူ(အာမလက်)လူတွေက ပြန်အနိုင်ရလာခဲ့တယ်။ နောက်ဆုံးမှာ မောရှေက အရမ်းပင်ပန်းလာခဲ့တယ်။ “အာရုန်”နဲ့ မိတ်ဆွေဖြစ်သူ “ဟုရ တို့ကလည်း တောင်ထိပ်မှာ ရှိနေကြတယ်။ သူတို့အနေနဲ့“ဘုရား သခင်၊ ကျွန်တော်တို့ နိမိတ်လက္ခဏာ လိုနေပြီ။ ရန်သူတွေ ကျွန်တော် တို့ကို မနိုင်ပါစေနဲ့” လို့ ဆုတောင်းလို့ ရပါတယ်။ ဒါပေမယ့် သူတို့ “ငါတို့လည်း နိမိတ်လက္ခဏာဖြစ်နိုင်တယ်” ဆိုတဲ့ စိတ်ထားမျိုး ထားရှိခဲ့တယ်။ သူတို့က မောရှေရဲ့ တစ်ဖက်စီမှာနေပြီး မောရှေလက်ကို မကြတယ်။ သူတို့ ကိုယ်တိုင် နိမိတ်လက္ခဏာဖြစ်လာခဲ့လို့ ဣသ ရေလလူတွေလည်း စစ်ပွဲအနိုင်ရသွားခဲ့တယ်။

ကျွန်တော်တို့ဘဝမှာလည်း လူတွေရဲ့လက်ကို ဝိုင်းပြီးကူညီ မြှောက်ပေးဖို့ ဘုရားက ထားရှိပေးမှာပါ။ သင်မပါပဲ သူတို့ အနိုင်ရမှာ မဟုတ်ဘူး။ သင့်အားပေးမှုတွေ သူတို့ လိုအပ်နေတယ်။ သင့်ရဲ့ ကယ်တင် ပေးသော ပွေ့ ဖက်မှုတွေ သူတို့ လိုအပ်နေတယ်။ သူတို့ အပေါ် ဂရု စိုက်ကြောင်း သူတို့ သိဖို့ လိုနေတယ်။ သူတို့ က နိမိတ်လက္ခဏာအတွက် ဆုတောင်းနေကြတယ်။ ဒီအခွင့်အရေးကို လက်လွှတ်မခံပါနဲ့ ။ အာရုန် နဲ့ ဟုရလို နိမိတ်လက္ခဏာဖြစ်လာစေပါ။

သတင်းတစ်ပုဒ် ဖတ်မိတယ်။ မီဂန် (Meghan) အမည်ရှိ မိန်းကလေးတစ်ဦးက အထက်တန်းကျောင်းမှာ တာဝေးအပြေးသမားပါ။ မီတာ ၁၆၀၀ ပြည်နယ်အပြေးပြိုင်ပွဲမှာ သူမက ဆုရခဲ့တယ်။ နောက် ပြိုင်ပွဲ မီတာ ၃၂ဝဝ မှာ သူမက ဆက်ပြိုင်ခဲ့တယ်။ ပန်းဝင်ခါနီး မီတာ ၅၀ အလိုမှာ အရှေ့ က ပြိုင်ဘက်မိန်းကလေးက မောပန်းပြီး မြေပေါ် လဲသွားခဲ့တယ်။ အဲဒီဖြစ်ရပ်ကတော့ သတင်းကြီးသွားခဲ့တယ်။ မီဂန်က ပြိုင်ဘက်ကို ကျော်တက်နိုင်မယ့် အခွင့်အရေး ရသွားပေမယ့် မီဂန်က ဆက်မပြေးပဲလဲကျနေသူ မိန်းကလေးကို ဆွဲထူပြီး ပွေ့ဖက်တွဲကာ ပန်းတိုင်ကို ခေါ်ဆောင်သွားခဲ့တယ်။

ပရိတ်သတ်တွေလည်း ချီးကျူးခဲ့ကြတယ်။ ပန်းဝင်ခါနီးမှာ မီဂန်က ပြိုင်ဘက်ကို အရင်ပေးဝင်ခဲ့တယ်။ ပြိုင်ပွဲစည်းကမ်းအရ ၂ ဦး စလုံး ပြိုင်ပွဲက ထုတ်ခံခဲ့ရမှာပါ။ ပြေးနေတုန်း အခြားအပြေးသမားကို မထိရဘူးလေ။ ဒါပေမယ့် ဒိုင်တွေက သူတို့ကို ခြွင်းချက်ပေးခဲ့ပြီး ပန်းဝင်စေခဲ့တယ်။ ပွဲအပြီးမှာ မီဂန်က “သူမ (ပြိုင်ဘက်) ကို ကူညီခဲ့ တာက ဆုရတာထက် ပိုပြီးပီတိဖြစ်စေပါတယ်” လို့ ပြောခဲ့တယ်။

သင့်အလင်း ပေါ်ထွန်းလာမယ်

နိမိတ်လက္ခဏာ လက်ခံရရှိတာက ကောင်းပါတယ်။ ဒါပေမယ့် ကိုယ်တိုင်နိမိတ်လက္ခဏာဖြစ်လိုက်တာထက် ပိုကောင်းတဲ့ခံစားချက် မရှိပါဘူး။ ဘယ်သူတွေကို သင်ဖေးထူနေသလဲ။ ပန်းဝင်စေဖို့ ဘယ်သူ တွေကို ကူညီနေသလဲ။ သင့်ပန်းတိုင်က အခြားသူတွေကို ကူညီခြင်းနဲ့ ချိတ်ဆက်နေပါတယ်။

ဟေရှာယ ၅၈ မှာ - မွတ်သိပ်သောသူကို အစာကျွေးတဲ့အခါ၊ အဝတ်မရှိသောသူကို အဝတ်ပေးတဲ့အခါ၊ အကူအညီလိုသူကို ကူညီတဲ့ အခါ သင်၏အလင်းသည် မိုးသောက်သော အလင်းကဲ့သို့ ပေါ်ထွန်း လာမယ်လို့ ပြောထားတယ်။ နိမိတ်လက္ခဏာဖြစ်လာဖို့ သင်လုပ် ဆောင်ရင် ဘုရားကလည်း သင့်ကို နိမိတ်လက္ခဏာတွေပေးမှာပါ။ ဘုရားရဲ့ကောင်းချီးမင်္ဂလာ၊ ကြွယ်ဝမှုတွေကို သင်ဘယ်တော့မှ လက် လွှတ်ဆုံးရှုံးမှာ မဟုတ်ပါဘူး။

မိတ်ဆွေ၊ သင်က တစ်စုံတစ်ယောက်သောသူရဲ့ ဆုတောင်း ချက်အဖြေပါ။ ဒီအပတ်ထဲမှာ ကယ်တင်ပေးသော ပွေဖက်မှုကို နိုင်တယ်။ သူငယ်ချင်းပန်းဝင်အောင် ကူညီနိုင်တယ်။ သင်က လူတွေ မျှော်လင့်ယုံကြည်နေတဲ့ နိမိတ်လက္ခဏာပါ။ နေ့ရက်တိုင်းမှာ “ငါက ဖြစ်လာတော့မယ့် နိမိတ်လက္ခဏာပဲ” ဆိုတဲ့ စိတ်ထားမျိုးကို ထားရှိပါ။ နိမိတ်လက္ခဏာရဖို့ သာ မစဉ်းစားပဲ ကိုယ်တိုင် ဘယ်လိုနိမိတ်လက္ခဏာ ဖြစ်လာရမလဲဆိုပြီး အသက်ရှင်မယ်ဆိုရင် ဘုရားကတိပေးခဲ့တဲ့ အတိုင်း သင့်အလင်းက ပေါ်ထွန်းလာမှာပါ။ သင့်ရဲ့အနာငြိမ်းခြင်း၊ ချီးမြှောက် ခြင်း၊ တရားမျှတခြင်းတွေ အမြန်ရောက်ရှိလာမှာပါ။

သင့်ဆီကကြားချင်ပါတယ်

အပတ်စဉ်နိုင်ငံတကာ ရုပ်သံထုတ်လွှင့်မှုပြီးတိုင်း ကျွန်တော်က ပရိသတ်ကို ယေရှုအား ကယ်တင်ရှင်အဖြစ် လက်ခံဖို့ အခွင့်အရေး ပေးပါတယ်။ ဒီအခွင့်အရေးကို သင့်အား ကျွန်တော်ပေးချင်ပါတယ်။

သင်ဘုရားနဲ့ ငြိမ်းချမ်းရေးရှိလား။ လူတိုင်းရဲ့ နှလုံးသားမှာ ဘုရားပဲ ဖြည့်ဆည်းနိုင်တဲ့ လေဟာနယ် တစ်ခုရှိတယ်။ ကျွန်တော်က ဘုရားကျောင်း ရှာဖို့ ၊ ဘာသာရေး ရှာဖို့ ပြောနေတာ မဟုတ်ပါဘူး။ ဘဝ၊ ငြိမ်သက်ခြင်းနှင့် ပျော်ရွှင်ခြင်းကို ရှာဖို့ ကျွန်တော်ပြောနေတာပါ။ ဒီနေ့ ကျွန်တော်နဲ့ အတူ ဆုတောင်းနိုင်မလား။ ဒီလိုပြောပါ“ယေရှုဘုရား၊ ကျွန်တော့်အပြစ်တွေဝန်ချပါတယ်၊ ကျွန်တော်နှလုံးသားထဲလာဖို့ ဖိတ်ခေါ် ပါတယ်။ ကျွန်တော့်ရဲ့ သခင်၊ ကယ်တင်ရှင်အဖြစ် ထားပါတယ်”

မိတ်ဆွေ၊ သင်ဒီလိုရိုးရှင်းစွာ ဆုတောင်းလိုက်ရင် “အသစ် တဖန် မွေးဖွားလာမယ်'လို့ ကျွန်တော်ယုံကြည်တယ်။ ကောင်းမွန်တဲ့ ကျမ်းစာအခြေပြုဘုရားကျောင်းကို တက်ပြီး ၊ ဘုရားကို ပထမနေရာမှာ ထားဖို့ ကျွန်တော်တိုက်တွန်းချင်တယ်။ သင့်ဝိညာဉ်ရေးရာ တိုးတက်ဖို့ ကျွန်တော်တို့ကို ဆက်သွယ်လို့ရပါတယ်။

ဗစ်တိုးရီးယားနဲ့ ကျွန်တော်က သင့်ကိုချစ်တယ်။ ဆုတောင်း ပေးနေတယ်။ သင့်အတွက် ဘုရားရဲ့အကောင်းဆုံးတွေကို ကျွန်တော်တို့ ယုံကြည်နေတယ်။ ဒါမှ သင့်အိပ်မက်တွေ အကောင်အထည်ပေါ်လာ မှာပါ။ သင့်ဆီက ကျွန်တော်တို့ ကြားချင်ပါတယ်။